InterForce

INUUSSUTISSARSIORTUT KUNNGEQARFIUP ISUMANNAANNERANUT ILAPITTUUTAI

Akisussaaffimmik tigusigit sulisullu Nukinnik Piareersimasuneersut tapersersorlugit
Twice the citizen

Nukkit Piareersimasut illersornissaq mattusooq qulakkeertarpaat

Sillimasut aamma Hjemmeværnip kajumissuseq naapertorlugu peqataasui akisussaaffimmik marloriaammik tigusisarput

Nukiit Sillimasut tapersersukkit

Gør som godt 2.000 andre firmaer, foreninger og organisationer – meld din virksomhed ind i InterForce. Det er gratis og juridisk uforpligtende!

Tapersuigit

INTERFORCIP NUKIIT SALLIMASUT SULLIPPAI

Inuussutissarsiortut Forsvarilu InterForce aqqutigalugu sanileriillutik ingiaqatigiipput

Ileqqorissaarnissamik pisussaaffik

Taanna inatsisitiguinnaq pituttuisuunngilaq, kisiannili aamma suliffeqarfiup pineqartup Forsvarip sulianik ikorfartuineranik imaqarluni

Suliffeqarfittut ikorfartuisut akuersisoqartarpoq, suliffeqarfik Forsvari sulisunik sakkutuujunngitsut sulinermik saniatigut Forsvarimut imaluunniit Hjemmeværnimut kajumissusertik naapertorlugu isumaqatigiissuteqartuni atorfissartitsigaangat.

Tamanna ilaatigut imannak isumaqarpoq, suliffeqarfiup sulisoq pineqartoq piffissami pineqartumi freertittariaqaraa, feeriartittariaqaraa imaluunniit sulinngiffeqartittariaqaraa, taamatut Forsvari sinnerlugu inummut pineqartumut tassaasariaqanngilaq unikaallanneq imaluunniit suliffimmi qaffakkiartuaarnermi kingumut ataatsimik alloriarneq – paarlattorluinnaanik.

Suliffeqarfiit InterForcemik tapersuinermut uppernarsaammik atsioqataasut piffissap sivikitsup ingerlanerani InterForcep ilisarnaataa akuersinermut qujassutitut tigussavaat. Suliffeqarfiup aqqa kanngussamik ilisarnaatip ataani kigartorneqarsimassaaq.

InterForce tassaavoq Forsvarip aamma suliffeqarfiit namminersortut pisortallu Forsvarip sillimasunik aamma Hjemmeværnimi kajumissuseq tunngavigalugu atuinerat, ataatsimut Nukinnik Sillimasuni taaneqartartut, taamaasilluni inuiaqatigiit ataatsimut nukingi pitsaanerpaamik atorneqaqqullugu. InterForcep siunertaa tassaavoq sulisut sakkutuutut sakkutuujunngitsutullu pisussaaffillit atugassarititaannik pitsanngorsaanissaq.

Interforce Forsvarip nunani tamalaani eqqissinermik atatitsiinnarniarluni orniguttarfiini annertusiartuinnartumik suliaqalernerup kingunerisaanik 1999-imi pilersinneqarpoq. Erngertumik ersarissivoq, sakkutuut nassiunneqartartut amerlanerusut atorfissaqartinneqartut annertunerusumik atorneqassasut, sakkutuujunngitsutut suliffeqarnermik saniatigut Forsvarimut piareersimanissamik atsiornikkut isumaqatigiissuteqartut. Iliuuseqarneq taamanikkut illersornissamut ittuusumit, Christian Hvidtimit, aamma siusinnerusukkut Aningaasaqarnermut Ministerimit Knud Heinesenimit aamma InterForcep nuna tamakkerlugu ataatsimiititaliarsuanut siulittaasutut siullertut toqqarneqartumit pilersinneqarpoq. Taanna pisortanit qaffasinnerpaamik inissisimasunik katitigaavoq, taakkua suliffeqarfinnit kattuffinniillu pingaarutilinnit privaatineersuullutillu pisortat suliffeqarfiutaanneersuupput.

Ataatsimiititaliarsuup anguniagaa siulleq tassaavoq InterForcep ilisimaneqalernissaa siaruartinnissaanik suliaqarnermut atatillugu suliffeqarfiit 200 attaveqarfiginissaat. Kingusinnerusukkut suliffeqarfiit akunnattumik angissusillit toqqaannartumik mailikkut imaluunniit attaveqaaqatigut attavigineqarput.

InterForce 1999-imi pilersinneqarnermi kingorna nunap immikkoortunini annertusarneqarsimavoq. Nuna ataatsimiititaliarsuup sanitigut aaqqissussaq ullumikkut Jyllandip Avannaani, Jyllandip Qeqqani, Danmarkip Kujataani, Sjællandimi, Illoqarfiit Pingaarnersaani aamma Bornholmimi suleqatigiit ataatsimiititaliaannik nunap immikkoortuini arfinilinni immikkoortortaqarpoq. 2020-imi InterForce Kalaallit Nunaanni Nuummi allattoqarfeqalernikkut saqqummiunneqarpoq.

Ullumikkut InterForce suliffeqarfinnit 2000-ingajannit 1 millionit missaannik sulisoqartunit tapersersorneqarpoq.

Sillimasunik Hjemmeværnimilu sulisunit pisariaqartitsinerup kingunerisimavaa, danskit suliffeqarfiutaanni eqaatsuunissamik annertuumik pisariaqartitsineq – pisortat namminersortullu suliffiutaa.

Sulisoq Irakimi Kosovomiluunniit qaammatini arfinilinni sakkutuutut aallartitaanissamik freerniarluni, sulinngiffeqarniarluni imaluunniit feeriarniarluni qinnuteqartarnera unammillernartuaannassaaq. Paartseqartariaqarpoq, sulisorlu pingaarutilimmik inissisimasuuppat, sulisitsisup suleriaaseq immini allanngortitertariaqassavaa.

Sulisumik piffassami aalajangersimasumi Forsvarimut tunniussineq ima assersuunneqarsinnaavoq, soorlu assersuutigalugu sulisup niuni napippagu, naartulerpat imaluunniit allamik peqquteqarluni sulinngiffeqarnissaminik qinnuteqarpat. Sulisoq sakkutuuttut eqqissinerup attaatiinnarnissaa siunertaraligu allartinneqarsimappat pissutsitnik pitsaangitsunik atugaqarluni, Danmarkimiit ungassissorsuarmi, sulisoq ineriartorsimasarpoq, nukittorluni inuttullu inerisimalersimalluni. Inuttut aamma suliat tungaasigut.

Suliffeqarfiup sulisoq piginnaasaqarnerusoq utertittarpaa, sulisup aallannginneranut naleqqiullugu. Sulisoq taamaasilluni suliffeqarfimmut aamma suleqatiminut sakkutuujunngitsut suliffeqarfianni nukimmik annertunerusumik tunniussassaqalersimasarpoq.

Taammaattumik InterForcep ilaatigut siunertaraa, Forsvarip sulisunik kajumissusertik tunngavigalugu sulisunik pisariaqartitsinera inuussutissarsiortunik paasineqarnissaa, ilaatigullu aamma sulisuminnut Forsvarimi suliassanik suleqataaniarlutik qinnuteqartunut paasinninnerat tikkuarneqartariaqarpoq. Paarlaattuanik suleqatigiinneq aamma inuussutissarsiortut pisariqartitaannik tunniussinnaavoq, sulisoq uniformilerluni suliniarluni sulinggiffeqarnissaminik qinnuteqartarpat. Taammaattumik anguniagaq aamma tassaavoq, Forsvarip sulisoq atorpagu suliffeqarfimmut annikinnerusumik ajoqutaanissaa.

Spacer
Spacer

NUKIIT SILLIMASUT INUUSSUTISSARSIORTUT TAPERSERSUINISSAAT PISARIAQARTIPPAAT

Forsvarit piginnaasatigut aamma sulisutigut nuannaarnerusutigut ikorfartuinerit suliffeqarfiutinnut utertarpoq