Pillugu InterForce

INTERFORCE SUNAAVA

Spacer
Spacer

InterForce tassaavoq Forsvarip aamma privaatit pisortallu suliffeqarfiutaasa Forsvarip piareersimasunik aamma Hjemmeværnimi kajumissusertik suleqataasunik atuinera, ataatsimut Piareersimasunik taaneqartartut, taamaasilluni inuiaqatigiinni nukiit ataatsimoortut pitsaanerpaamik atorniarlugit. InterForcep siunertaa tassaannaanngilaq sulisunut pissutsinik sakkutuut sakkutuujunngitsutullu pisussaaffillit pitsanngorsarnissaat, kisiannili aamma inuiaqatigiinni Danmarkimik illersuinerup naalagaaffimmut tamarmut suliassaaneranik qaammaasaqalersitsineq, taanna iluatsilluarnerpaassasoq aningaasat atorluarlugit, Piareersimasut ataatsimoorluta annertusarlugillu atorutsigit.

Taamaattumik InterForce Forsvarip aamma privaatit pisortallu suliffeqarfiutaasa akornanni paaseqatigiinnerup attuumassuteqarnerullu ineriartortinnissaat suliaraa, taamaasillunilu taakku akornanni suleqatigiinnermik siuarsaalluni. InterForcep aamma piginnaasat siammarternissaat sulissutigaa, piginnaasat Sillimasut sulisuisa akornanni Forsvarimit pigineqartut aammalu sakkutuujunngitsutut sulinermi aamma atorneqarsinnaasartut. Assiganik InterForcep Forsvarip iluani Sillimasut sakkutuujunngitsutut piginnaasaasa ilisimaneqarnissaat sulissutigisarpaa.

Taamaattumik suliffeqarfiit privaatit pisortallu Sillimasunit sulisut tunniunneqartut piffissami sakkutuutut sulinermi sulinngiffeqartittarnerat InterForcep suliarai. Siullertut pingaarnertullu InterForce tassaavoq qanoq isumaqarfigineranik apeqqut, kisianni InterForcep aamma aaqqissuussanut pissanganartunut qaaqqusissutit aamma ilinnut illillu sulisunnut nunami piffinnik assigiinngitsuni attaveqarnissamut pitsaasunik periarfissiisarneq suliaraa.

Ullumikkut suliffeqarfiit 1800-t missaanniittut InterForce 1999-imi pilersinneqartoq tapersersorpaat, InterForce siammasissuni ataqatigiissakkani pisortaqarpoq qaffasinnerpaamik inissisimasunik suliffeqarfinni privaatini pisortallu suliffeqarfiutaanni kattuffiinilu. Ataatsimiititap siulittaasoqarfia siusinnerusukkut illersornissamut Søren Gademik (siulittaasoq) aamma general Bjørn Bisserupimik (illersornissamut pisortaq) inuttaqarpoq. InterForce Grønland 2020-mi pilerpoq Nuummilu Arktisk Kommando peqatigalugu allattoqarfeqarluni. Aammattaaq InterForce nunap immikkoortuini Danmarkimi piffinni assigiinngitsuni arfinilinnik allattoqarfeqarpoq. Qitiusumik allattoqarfik pingasunik sulisoqartoq Københavnimi Kastelimiippoq InterForce-Sekretariatimillu taaguuteqarluni. Generalmajor (soraarneq) Finn Winkler InterForcep Allattoqarfiani pisortaavoq, taanna Sillimasut Qitiusoqarfiata ilagaa. 

InterForce pillugu quppersaq uani aajuk sukumiinerusumillu atuarlutit. uani