InterForce pilersinneqarpoq ukioq 1999-imi sakkutooqarfiit nunani allani assigiinngitsunik suliassaqarnertik peqqutigalugu.

Sakkutuut 10.000-it pisariaqartinneqartut sukkasuumik paasineqarpoq, taakkulu sinniisorineqartut sakkutuutut atorfeqarallartussatut akissarsiaqartillugit atornikkallartinneqarput.

Taamaammat illersorniassaq pillugu qitiusumik aqutsisoqarfiup suliffeqarfiillu inuiaqatigiit akornanni inissisimasut akornanni suleqatigiinneq pingaaruteqarpoq.

Pilersaarut InterForce-ip pilersinneqarnissaa taamani illersornissamut pisortap generaalip Christian Hvidt-ip aammalu Aningaasaqarnermut qallunaat nunaanni Ministerip Knud Heinesen-ip pilersippaat. Knud Heinesen-i InterForce-imi siullerpaatut Siulittaasutut ivertinneqarpoq InterForce-ip Nunat tamakkerlugu ataatsimiisitaliami. Qallunaat nunaanni nuna tamakkerlugu ataatsimiisitaliaq suliffeqarfinni pisortaanernik ilaasortaqarpoq suliffeqarfiit namminersortut pisortanillu pigineqartut akornanni, atorfeqarfiit peqatigiiffiillu ilanngullugit.

Ataatsimiisitalip siunnertaa siulleq tassaavoq Qallunaat Nunaanni suliffeqarfiit annersaat 200-ut attaveqarfigissallugit taavalu InterForce suuneranik oqaluttuarneq paasititsiniaanerlu. Tamassuma kingorna suliffeqarfiit akunnattumik angissusillit attavigneqarput emailikkut imaluunniit InterForce-imi inuit attaveqarfigisat aqqutigalugit.

Ukioq 2006-i tikillugu InterForce-ip tunngaviusumik isigisimavaa sakkutuutut sinniisut sinniisorineqartullu inuiqatigiit akornanni suliffeqarfinni paasititsiniuutigissalugu. Pingaaruteqarpoq suliffeqarfittut ilisimaarissallugu illersornissaq pillugu inuit sinniisorineqartut ilaatigut periarfissinneqartariaqartarmata pikkorissarnissaminnut piffissaqarnissaat aammalu sakkutuutut pisariaqartitsiffimmi suliaqartarnissaat.

InterForce-i allivooq

Ukioq 2006-imi hjemmeværnimi nammineq kajumissuseq aqqutigalugu suliaqartut InterForce-ip ataanut ilanngunneqarput. Ukioq 2012-imi nunap sineriaani annaassiniartartut 200-ut ilanngupput, ukioq 2022-imilu Beredskabsstyrelse-imi nammineq kajumissuseq suliaqartartut InterForce-imut ilanngupput aamma.

Taamaalilluni sinniisut tassaasullu hjemmeværnimi nammineq kajumissuseq aqqutigalu suliaqartartut, beredskabsstyrelse-imi, nunap sineriaani annaassiniartartut Sakkutuut Siinniisuattut taaneqartalerput.

Taamaammat InterForce-ip suliassaviaa sulliffeqarfinnut paasititsiniaaneq sakkutuutut sinniisorineqartut pillugit.

Nunap immikkoortortaqarfii aammalu Kalaallit Nunaat

Ukioq 1999-imiilli InterForce-ip pilersinneqarnerata kingorna nunap immikkoortoqarfiini allartorneq pivoq.

Qallunaat Nunaanni nuna tamakkerlugu ataatsimiisitaliaq nunap immikkoortuani arfinilinni forretningsudvalgi ulluinnarni aqutsisut Jyllandip avannaani, Jyllannip qeqqani, Qallunaat Nunaata kujataani, Sjællandimi, illoqarfiit pingaarnissaani aammalu Bornholmimi ataatsimiisitaliaqarpoq ulluinnarni aqutsisutut.

Augustip qaammataani ukioq 2020-imi taamani illersornissaq pillugu ministeriusup Trine Bramsen-ip aammalu illersornissaq pillugu pisortaasup generaali Bjørn Bisserup-ip InterForce Kalaallit Nunaanni immikkoortoqalernissaa isumagivaat. InterForce Kalaallit Nunaat Qallunaat Nunaanni immikkoortoqarfiit assigalugit pilersinneqarpoq. Pilersinneranullu siunertaavoq nammineq kajumissuseq atorlugu sakkutuutut sinniisussat pilersinneqarnissai soorlu eqqarsaat taanna Qallunaat Nunaani nunap immikkoortuani atorneqartoq assigalugu. Pilersinneqarneranut tunngaviuvoq nammineq kajumissuseq aqqutigalugu sinniisussatut amerlisarneqarnissaat siunertaalluni aammalu Illersornissaq pillugu qitiusumik aqutsisoqarfiup inuiaqatigiit akornanni suliffeqarfiit akornanni attaveqatigiinneq pilersinniarlugu.

I dag støttes InterForce af lidt over 2.600 danske virksomheder, der tilsammen tæller cirka 1 million medarbejdere.