Suliffeqarfiit qanoq isumaqarpat?
APM Terminals A/S-imi pisortaq Per Bøch Andersen:
”InterForce arlalitsigut naleqarnerulersitsivoq. Sulisorisatta isaannik ammaassivoq paasivaallu Illersornissaqartoq aamma.
InterForce aqqutigalugu suliffeqarfittut pisussaaffeqarnerput takutipparput, toqqaannanngikkaluamillu aamma Illersornissaqarfimmut tapersersuisuvut.
Inuiaqatigiinnut naleqarnerulersitsivoq, suliffeqarfinnut aamma Illersornissaqarfimmut.
Aamma Illersornissaqarfimmut matunik ammaavoq soorlu aamma illersdrnissaqarfimmi pissutsinik ilisimasaqalersitsivoq. Aamma naliginnaasunngorpoq sulisut ilaat Illersornissaqarfimmut inuiaqatigiinnilu suliffeqarfinnut attuumassuteqarmata."
Jens Christian Lorenzen, siornatigut Dansk Selskab for Virksomhedsledelse-imi siulersuisuni siulittaasuusimasoq
”Naalagaaffimmi illersornissaq pillugu akisussaasuuneq qitiusumik politiikerini inissisimavoq, kisianni aamma suliffeqarfiit akisussaasooqataapput (…) Assigiinngitsutigut tapersersuisoqarsinnaavoq. Suliffeqarfiit InterForce-imut tapersersuinertik takutittarpaat sulisorisat illersornissaq pillugu piareersimasut tapersersorneratigut, taavalu pinartoqartillugu ingerlaannaq aggersarneqaraangata periarfissinerisigut akuersaarnikkut suliffitsik annaanngikkaluarlugu. ”
Netcompany-mi pilersitsisoq piginnittorlu André Rogaczewski:
”Isumaqarpunga silarsuit taakku marluk (illersornissaqarfik kiisalu suliffeqarfiit) tamarmik tunniussassanik peqartut. Sulisuuteqarluni ullut ilaanni uniformilerlutik sulinermik saniatigut suliassaqartartunik pingaaruteqarpoq eqaatsumik periuseqarnissaq, taamaattoqarneralu suleqataasunit tamanit tapersersorneqarpoq. Suliffeqarfimmi soqutiginninnerujussuarmik sunniuteqartarpoq ataatsimoorluni Illersornissaqarfimmut nunatsinnullu tapersersuigaanni."
Hedeselskabet-imi siornatigut pisortaaneq Lars Johansson:
”Sulisorineqartut illersornissaqarfimmut attuumassutillit tassaapput imminnit annerusumik salliutitaqarlutik sulisut. Aamma imminnut piumaffigillaqqissuupput isumalerujussuarmik.
Ukiumoortumik nalunaarummi InterForce ilanngullugu taakkartoraangatsigu takutikkusuttarparput InterForce-imut tapersersuinerput pingaartillugu tanngassimaarutigisaratsigu.”