InterForce sunaava?

InterForce Illersornissamut Qullersaqarfimmut atavoq.

Suliassaraarput suliffeqarfiit amerliartuinnarlutik Kunngeqarfiup illersornissaanut Upalungaarsimaneranullu tapersersuilernissaat.

Suliniutigaarput suliffeqarfiit sulisuisa uniformeqarlutik kiffartuussinissaannut sulinngiffeqartinneqartarnissaat. Sakkutuutut piareersimasutut imaluunniit kajumissutsiminik Hjemmeværnet-imi (nunagisamik illersuisut), Beredskabsstyrelsen-imi (Upalungaarsimanermut Aqutsisoqarfimmut) Kystredningstjenesten-imulluunniit (Sinerissami Annaassiniaasartutut) piareersimasutut aggersarneqarpata sulinngiffeqarnissaat akuersaarneqassasoq.

Aammali ilinniagaqarnissaanut, imaani annaassiniarnermut, nunami tamarmi suliassanut, ajunaarnersuaqartillugu upalungaarsimasutut arlaatiguluunniit nunani tamalaani suliassani suliaqarnissaannut.

InterForcemut ilaasortaanissamut periarfissat marluk 2025-imiit neqeroorutigilerpavut: suliffeqarfiit ilaasortat aamma suliffeqarfiit tapersersuisut.

Suliffeqarfittut ilaasortaasunut piumasaqaataavoq sulisuminnut, sakkutuutut piareersimasuuppata, kajumissutsiminnik Hjemmeværnet-imut (nunagisamik illersuisunut), Beredskabsstyrelsen-imut (Upalungaarsimanermut Aqutsisoqarfimmut) imaluunnit Kystredningstjenestem-imut (Sineriammi annaassiniartartutut) piareersimasuuppata, eqaatsumik periuseqartarnissaat. Sulisut ilinniagaqarnissaminnut, sungiusarnissaminnut, suliartoqqusaariataarpata imaluunniit nunanut allanut suliaqariartortussatut aallartitaanissaannut noqqaappata eqaatsumik periuseqarnissaannut takutitsisassapput. 

Suliffeqarfiit tapersersuisut atsiugassaqartarput sulisut ukiumut minnerpaamik ulluni tallimani akissarsiaqartinneqarlutik sulinngiffeqartarnissaannut taamaasillutillu uniformeqarlutik kiffartuussisinnaalerlutik. Taamatullu piginnaatitaaffik sulisunut maleruagassiani imaluunniit HR-ip maleruagassiaani allassimasuutigineqassaaq.

Ilaasortaanermut periarfissat assigiinngitsut taakku marluk pillugit annerusumik atuagaqarit.

Suliffeqarfittut Interforcemut ilaasortaanermi Kunngeqarfiup illersornissaanut upalungaarsimaneranullu tapersersuineq naliitsuuvoq, pingaartumik piffissami nalorninartorsiorfiusumi.

Illersornissaq Upalungaarsimanerlu patajaatsuussappata inuiaqatigiinnit ersarissumik tapersersorneqarnissaq pisariaqarluinnarpoq.

Interforcemi ilaasortaagaanni, qanorluunniit ilaasortaassuseqaraluaraanni, taava aaqqissuussanut assigiinngitsunut, suliffeqarfiit aamma illersornissaqarfiup upalugaarsimanermillu suliaqartut naapiffigisartagaannut, qaaqquneqartarput.

Aaqqissuussinerni taakkunani Illersornissaqarfimmi Upalungaarsimasunilu pisortat naapinneqartarput, pisunilu sillimaniarnikkut killiffik imaluunniit niueqatigiinnikkut isumaqatigiissutit pillugit saqqummiisoqartarpoq. Aaqqissuinernili aamma Illersornissaqarfiup atortuutaanik takuniaasoqarsinnaavoq imaluunniit sakkutuutut sungiusarluni unammillertoqarsinnaavoq.

Interforce aamma aqqutigalugu sakkutuutut piareersimasut piginnaasaat pitsaasut, soorlu ukunani: Illersornissaqarfimmi, Hjemmeværnet-imi (nunagisami illersuisut), Beredskabsstyrelsen (Upalungaarsimanermut Aqutsisoqarfimmi) ilinniagaqarnermikkut pissarsiarisimasaat paasisaqarfigisinnaavaat, taakkualu piginnaasaat suliffeqarfinni qanoq atorluarneqarsinnaanersut. .

Una toorlugu: Sulisut Illersornissaqarfimmit Upalungaarsimanermiillu qanoq piginnaasaqarnersut paasisaqarfigiuk.

Aamma takuuk: SOOQ INTERFORCE TAPERSERSUSSAVARPUT?