InterForcep ambassadøreqatigiivi maanna InterForcep immikkoortuini arfinilinni pilersinneqarsimalerput. Ambassadøreqatigiit maannakkut officereqarput 32-nik aammalu piareersumasuneersunik Hjemmeværnimeersunillu inuttaqarlutik – ataatsimut Sillimanermi Nukinnik taaneqartarlutik.

2018-imi sapaatip akunnerisa 42-anni ambassadøreatigiinnit sinniisut siullermeerlutik 12-12-imik taasamik isumasioqatigiillutik Koldingimi katersuupput. ”Anguniagaq ilaatigut tassaavoq siullermeerluni isit toqqarlugit naapinneq siunissamilu sulinissami ataatsimut malittarisassaliorneq assigiissaarinerlu. Pingaaruteqarpormi, ambassadøreqatigiit suliffeqarfiit ikiorfartuisut attavigigaangamikkit paasissutissat isumasioqatigiinnerlu aqqut ataatsimut tikkuussisoq ingerlaffigissagaat.” Axel G. Kristiansen 2017-imi InterForcep Allattoqarfiani reserveofficeritut ambassadørinik nunap immikkoortuini arfinilinni ambassadøreqatigiinnik pilersitsinissami aalajangersimasumik atassuteqataalersoq oqarpoq.

InterForcemi ambassadørit suliassaat ilaatigut tassaapput suliffeqarfinnik nutaanik ujarlernissaq, ilaatigullu suliffeqarfinnik ilisarisimaqatigiinnerup aallarteqqinnissaa nukittorsarnissaalu, suliffeqarfiit ukiuni arlalinni InterForcemi peqataareersut. Ambassadørit suliassaat aamma tassaasinnaavoq nalornissuteqarluni apeqqutinut aalajangersimasunut imaluunniit aaqqiissutissanut tunngatillugu ikortartuinissaq ilisimatitsinissarlu.